?20161013191223on.cc 劉青雲與太太郭藹明（Amy）出席珠寶品牌活動，Amy戴上價值三百多萬的珠寶首飾，二人齊齊穿上藍色服裝，明顯夾過，大放閃彈，甜到爆，如同新婚夫婦。劉青雲笑說：「唔係啩，大家畀面。（出活動襯過衫？）出活動要檢點。（Amy揀？）一齊揀，我眼光都唔差。」
問到是否成日送珠寶給太太？Amy表示生日時老公有送。劉青雲對此表示：「初初就有囉，一熟就⋯」問到青雲是否會花心機氹太太，他竟指自己有花心機拍戲，Amy則表示老公間中都有氹自己。問到青雲會否送小禮物時，Amy即向青雲大騷手上品牌的3.2卡、價值190多萬的鑽戒，並說：「老公，小禮物呀！」青雲即面紅紅說：「你哋睇到我幾有生活壓力啦。」場面搞笑。
買屋送老婆當閒事
提到青雲在西貢買了大屋送給Amy，他表示香港好多人都有買屋，乃平常事，並笑言：「自己要住，佢又冇地方住就住埋一齊，好簡單，唔係送。（太太揀？）一齊揀。」提到他與太太聯名開設Little Starship小飛船製作公司，他表示：「個名邊個改？順口噏，講係咁解，大家開心就得。」問到Amy是否覺得好冧？她表示Ok，但青雲就話家家有本難念的經。問到Amy會否參與製作工作，她表示暫時公司未有工作，青雲即笑說：「有嘅有嘅。（開戲畀太太？）唔會，都係個工作平台。（計劃做導演？）未有咁長遠計劃。（推出小飛船系列，如基金之類？）暫時唔會。（投資幾錢？）好簡單，方便工作平台，係小計劃。」Amy則笑言是小飛船不是大飛
